Azedu.az
https://modern.az/ https://www.instagram.com/apak.az/
2020-04-04 14:44:00
Təhsil Nazirliyinin yeni xidməti işə başlayacaq-RƏSMİ

AzEdu.az Təhsil Nazirliyinə istinadən xəbər verir ki, Nazirliyin yeni 146-3 “Qaynar xətt”i fəaliyyətə başlayacaq.

Aprelin 6-da Təhsil Nazirliyinin yeni 146-3 "Qaynar xətt" xidməti fəaliyyətə başlayacaq. Ölkəmizdə yeni koronavirus (COVİD-19) infeksiyası ilə əlaqədar karantin rejimi elan olunduğundan evdə qalan şagirdlər, eləcə də bütün vətəndaşlar mənəvi-psixoloji dəstəyə zərurət duyduğu hallarda sözügedən "Qaynar xətt" xidməti ilə əlaqə yarada bilərlər. Əlaqə yaradan hər bir vətəndaşa məktəb psixoloqları tərəfindən telefon vasitəsilə psixoloji konsultasiya təşkil ediləcək, lazımi dəstəklə təmin olunacaqlar. 146-3 "Qaynar xətt" xidməti həftəiçi hər gün saat 10:00-dan 18:00-dək fəaliyyət göstərəcək.