Dövlət  ümumi  təhsil  müəssisələrində  işləyən  təhsilverənlər 5  ildə bir dəfə müvafiq  icra  hakimiyyəti  orqanının  müəyyən  etdiyi  orqan  tərəfindən sertifikatlaşdırmadan  keçirlər.

Bu  təhsil  müəssisələrində  işləyən  təhsilverənlərin  sertifikatlaşdırma  qaydası  müvafiq  icra  hakimiyyəti orqanının  müəyyən  etdiyi  orqan  tərəfindən  müəyyən  edilir.

Bəs  kimlər  bu  sertifikatlaşdırmada  iştirak  etmir?

AzEdu.az  bununla  bağlı  “Təhsil  haqqında”  qanundan təhsilverənlərin  sertifikatlaşdırılması  ilə  bağlı  Maddə  36-2-ni  təqdim  edir:

• hamilə qadınlar;

• uşağının üç  yaşınadək  sosial  məzuniyyətdə  olan  və  həmin məzuniyyət bitdikdən  sonra  1  ildən  az  müddətdə müvafiq  vəzifədə (peşədə) çalışan qadınlar (uşağını  təkbaşına  böyüdən  kişilər);

• ilk dəfə işə qəbul olunanlar, 5 (beş) il müddətində;

• azı üç  dəfə sertifikatlaşdırmadan keçmiş şəxslər

Sertifikatlaşdırmadan  keçən  şəxslərə  5  il  müddətində  dövlət  ümumi təhsil  müəssisələrində  pedaqoji  fəaliyyətlə  məşğul  olmaq  hüququ  verilir.

Üzrlü  səbəblərdən  sertifikatlaşdırmada  iştirak  etməyən  və  ya sertifikatlaşdırmadan  keçməyən  şəxslər 1 il müddətində  iş  yeri  saxlanılmaqla, təkrar  sertifikatlaşdırmada  iştirak  etmək  hüququna  malikdirlər. Təkrar  sertifikatlaşdırmada  iştirak  etməyən  şəxslər sertifikatlaşdırmadan  keçməmiş  hesab  olunurlar.

Qeyd  edək  ki, təkrar  sertifikatlaşdırmadan  keçməyən  şəxslərlə  əmək münasibətləri  Azərbaycan  Respublikasının  Əmək  Məcəlləsinə  uyğun  olaraq tənzimlənir.