Fevralın 15-dən 28-nə qədər ərizələr qəbul olunur

 “Bakı Metropoliteni” QSC Mərkəzləşdirilmiş dispetçer xidmətinin elektrik dispetçeri vəzifəsi üzrə hazırlıq kursuna qəbul elan edir.

AzEdu.az xəbər verir ki, müsabiqədə iştirak etmək istəyənlərə əsas tələblər aşağıdakılardır:

- mühəndis-elektrik ixtisası üzrə ali təhsil;

- 24-35 yaş arası kişi və qadınlar;

- hərbi bilet (kişi namizədlər üçün yararlılıq kateqoriyası ilə);

- 1 ildən artıq iş təcrübəsi olanlara üstünlük veriləcək.

Seçim bir neçə mərhələdə olmaqla, məntiq və peşə hazırlığı testləri, müsahibə yolu ilə aparılacaq. Qəbul imtahanı mərhələlərini uğurla başa vuran namizədlər tibbi yoxlamadan keçməklə xüsusi hazırlıq kursuna cəlb olunacaqlar.

Tədris prosesinin 12-14 ay davam etməsi nəzərdə tutulub.

Kursu uğurla başa vuran məzunlar elektrik dispetçeri vəzifəsi üzrə işə qəbul olunacaqlar.

Seçim prosesinə qoşulmaq istəyənlər “Bakı Metropoliteni” QSC-nin rəsmi internet saytının “Karyera” bölməsinə daxil olaraq, “Elektron ərizə” yarımbölməsində elektron müraciət formasını doldurmalıdırlar.

Elektron ərizələr yalnız fevral ayının 15-dən fevral 28-nə qədər qəbul edilir.

Ərizə forması doldurularkən, “işləmək istədiyiniz işin adı” xanasına, mütləq qaydada, “elektrik dispetçeri” qeyd olunmalıdır.

Xüsusi qeyd: Ərizə formaları proqramlaşdırılmış qaydada avtomatik qeydə alınır. Bu səbəbdən göstərilən müddətdən əvvəl və sonra göndərilən, eləcə də müvafiq qaydada “elektrik dispetçeri” qeydi olmayan ərizələr CV bankına daxil olmur.