AzEdu.az İnsan Resursları Mərkəzinə ən çox ünvanlanan sualların cavablarını təqdim edir:
Sual: Bu il Müəllimlərin İşə Qəbulu müsabiqəsinin müsahibə mərhələsi keçirləcək?
Cavab: Tədris ilinin başlamasına qısa müddət qalması ilə əlaqədar vakansiya seçimi mərhələsi nəticəsində vakant yer tutmaq hüququ qazanmış namizədlər ilkin olaraq müddətli əmək müqaviləsi ilə işə qəbul ediləcəklər. Sözügedən kontingent üçün müsahibələr mərhələli şəkildə mövcud vəziyyət nəzərə alınaraq onlayn və ya ənənəvi qaydada təşkil olunacaq. Müsahibədən uğurla keçən namizədlər ilə müddətsiz əmək müqaviləsi bağlanılacaq.
