https://www.zirve.edu.az/
10.12.2019 12:51
Tələbələrin 68-ci elmi-texniki konfransında 300-dək məruzə dinləniləcək

Azərbaycan Dövlət Neft və Sənaye Universitetində (ADNSU) görkəmli alim Saleh Qocayevin anadan olmasının 120 illiyinə həsr edilmiş tələbələrin 68-ci elmi-texniki konfransı keçirilir.

ADNSU-dan AzEdu.az-a bildiriblər ki, tədbirdə tədris işləri üzrə prorektor, dosent Qasım Məmmədov tələbələrin universitetdə elmi-tədqiqat işlərinə cəlb olunması üçün yaradılan şəraitdən söz açıb, onların vaxtlarını elmi araşdırmalara sərf etməsini yüksək dəyərləndirib.

Universitetin neft-mexanika fakültəsinin elmi işlər üzrə dekan müavini, dosent Tahir Süleymanov görkəmli alim Saleh Qocayevin həyat və fəaliyyəti haqqında təqdimatla çıxış edib.

Sonra bölmə iclasları olub. Konfransda 300-dək məruzənin dinlənilməsi nəzərdə tutulub.

ADNSU-nun rektoru, professor Mustafa Babanlı müxtəlif bölmələrdə tələbələrin çıxışlarını dinləyib, tövsiyələrini verib.

Elmi-texniki konfrans dekabrın 16-da başa çatacaq.