Azedu.az
https://modern.az/ https://www.instagram.com/apak.az/
2018-04-04 11:23:08
Dünya uşaq ədəbiyyatının ən güclü nümayəndələrindən biri vəfat etdi
İsveç ədəbiyyatının qələminin bədii gücünü dünya səviyyəsində sübut etmiş yazarı Filip Kerr dünyasını dəyişdi. Dedektiv janrın ustalarından sayılan mərhum yazar bir neçə silsilənin müəllifi kimi sevilib, əsərlərinin 40-a yaxın dilə tərcümə olunması ilə məşhurlaşıb.
 
"Guardian” xəbər verir ki, tarixi trillerlərin, bir-birindən ağır ədəbi çəkisi olan uşaq ədəbiyyatı nümunələrinin müəllifinin qısa müddət əvvəl aşkarlanmış xərçəng xəstəliyindən qəfil vəfatı həm İsveç, həm dünya ədəbiyyatını kədərə qərq edib. Yazarın ölüm xəbəri martın 23-də rəsmi naşiri tərəfindən təsdiqlənib. "Quercus Books”: "Bu gün kədərimiz dərindir, Filip Kerri itirdik. Böyük yazar, əsl adam. Bu çətin zamanlarda Jenny Sinniyə, övladlarına, dostlarına, qələm yoldaşlarına səbir diləyirik”.
  1956-cı ildə anadan olmuş Kerr 34 yaşında ikən gənc yazar Cenni Sinni ilə ailə qurub. Onların bu nikahdan üç övladı var. Xanımı şəxsi tvitter hesabından duyğularını bölüşüb: "Sevgilim, unudulmaz Filip Kerr. Möhtəşəm Berni Qunterin yaradıcısı. Dahi yazar, heyran olunası ata, həyat yoldaşı”. 
 
  Ölümündən qısa müddət əvvəl Berni Qunter silsiləsinin 14-cü romanını tamamlayıb. "Metropolis” adlanan roman 2019-cu ildə işıq üzü görəcək.