Dünyanın aparıcı elm və təhsil mərkəzlərinin süni intellektin təhsil sistemlərinə təsirini araşdıran ən yeni nəzəri və empirik işləri ali təhsil sahəsində köklü dəyişikliklərin baş verdiyini ortaya qoyur.
AzEdu.az xarici KİV-ə istinadən xəbər verir ki, aparılan son tədqiqatlar göstərir ki, ali təhsil artıq statik biliklərin ötürülməsindən tamamilə imtina edərək tamamilə yeni mərhələyə qədəm qoyur.
Alimlərin əldə etdiyi əsas elmi yeniliyə əsasən, tədqiqatçılar "Learning Agility" (öyrənmə çevikliyi) və insan mərkəzli bacarıqların texnoloji avtomatlaşdırma dövründə əsas dəyər yaradan faktor olduğunu elmi şəkildə sübut ediblər. Bu dəyişiklik fonunda universitetlərin rolu da tamamilə transformasiya olunur. Ali təhsil müəssisələri sadəcə diplom verən qurum olmaqdan çıxaraq, tələbələrdə tənqidi refleksiya və mürəkkəb qərarvermə mexanizmlərini formalaşdıran dinamik sistemlərə çevrilirlər. Ekspertlər hesab edirlər ki, gələcəyin təhsil modeli məhz bu dinamik adaptasiya və analitik düşüncə prinsipləri üzərində qurulacaq.
