XƏBƏRLƏR

19.08.2019 15:30
Attestatını atasından ala bilməyən gənc: “Bu işdə Təhsil Nazirliyi mənə  kömək oldu”  

“Atam universitetə oxumağımı istəmədiyi üçün attestatımı mənə vermirdi”

Bu sözləri AzEdu.az-a açıqlamasında Orxan Bağızadə deyib.

O,universitetə qəbul olsa da qeydiyyatdan keçə bilməyib. Səbəb isə atasının attestatını gizlətməsi olub:

 “68 nömrəli tam orta məktəbi bitirmişəm. Qəbul imtahanında 336 bal toplayaraq, Azərbaycan Dillər Universitetinin Fransız dili üzrə tərcüməçi ixtisasına qəbul oldum.

Ali məktəbə qəbul  olsam da qeydiyyatdan keçə bilmirdim. Çünki, atam universitetə oxumağımı  istəmədiyi üçün attestatımı mənə vermirdi. Polisə müraciət etsəm də sübut olmadığı üçün atamdan attestatımı ala bilmədim. Daha sonra Təhsil Nazirliyi bu işdə kömək oldu.  Mənə zəng edib yeni attestatımın hazırlandığını dedilər. Qeydiyyatdan keçdim və artıq ADU tələbəsiyəm. Yeni attestatım hazır olduqdan sonra, universitetə təhvil verəcəm”.  

Bu hadisədən sonra atası ilə əlaqəsi kəsilən Orxan təhsil haqqını da özü çalışaraq ödəyəcəyini deyir:

“5 yaşında olanda anam rəhmətə gedib. O vaxtdan  ata himayəsində böyümüşəm. Bu hadisədən sonra isə atamla əlaqəm kəsildi. Təhsil haqqımı da özüm çalışıb ödəyəcəm”

Orxan Bağıyevin atası Natiq Aydın oğlu Bağıyevin Bizimyol.info saytına verdiyi açıqlamada bildirilir ki, o Orxanın oxumağına qarşı çıxmayıb:

“Orxan və qardaşlarını mənim ikinci xanımım böyüdüb. Anaları rus idi, Rusiya vətəndaşı idi. O rəhmətə gedəndən sonra onları mən böyüdüb, başa çatdırmışam. Ustalıqla, fəhləliklə. Orxanı oxutmaq fikrim yox idisə niyə onun şəxsiyyət vəsiqəsini gizlətmədim, niyə imtahana girməsinə mane olmadım? Deyir uşaqlıqdan işləyirəm, uşaqlıqdan işləyirdisə orta məktəbdən attestatı necə aldı? 18 yaşı olanda şəxsiyyət vəsiqəsini alıb işləməyə başladı. Hətta həmin gün həyətdə dostlarımız da gəlmişdi, onlarla oturmuşduq, dedi ki, ata işləyib sənin belini müalicə etdirəcəm. Mən də dedim özünə pal-platar alarsan.

Onlarn Rusiyadakı nənəsi ilə xalası evimizi əlimzdən almaq üçün uşaqları qızışıdırb üstümə salırlar. Mən atayam , oğlum tərbiyəli olsun deyə, gecə içib evə sərxoş halda gəlirsə hirslənməyə haqqım yoxdurmu? Mənə deyir sərbəst yaşamaq istəyirəm. Problem bundadır. Nənələri deyir uşaqlar Rusiya vətəndaşıdırlar, niyə Azrbaycanda əsgərlikdən keçməlidirlər. Uşaqlar Azərbaycan vətəndaşıdırlar. Vətən borclarını da verməlidirlər. Amma mən “oxumasın, əsgər getsin” demirəm. Orxanı qardaşı 12 il ona çörək vermiş analığını boğaraq divara dirəyib, Orxan da məni polislə, məhkəmə ilə hədələyir.

Madam ki, haqqımda belə iftiralar yayır, mən də bu işi məhkəmə yolu ilə həll edəcəm. Nənəsi ilə xalasının mənə göndərdiyi səs yazılarını eşidədə adam utanır, qadın elə söyüşlər söyür .Bu həmin nənədir ki, anaları rəhmətə gedəndə uşaqları internata vermək istəyirdi, mən narazılqı edib qoymadım, dedim uşaqları özüm böyüdəcəm. Orxanın böyük qardaşı bir neçə il öncə narkotiklə tutulmuşdu, elə evdən o qaçan oldu. Orxan da 18 yaşı olub işləməyə başlayanda onun başını pozdu ki, mən qazanıb qəlyanxanalarda kef çəkirəm , sən amma zəhmət çəkirsən. O da beləcə qardaşına qoşulmaq istədi. Orxanı tək bir dəfə vurmuşam, içib saat birdə gəlmişdi, onda da çantasıını öncədən hazırlaybmış , dedi gedirəm.Axı mən pis ata olmamışam”. Bunlar Orxanın atasının dedikləridir.

Hər bir halda Orxan oxuyub , ali təhsil alacaq, cəmiyyət ona bu dəstəyi verdi. Amma ümid edirik ki, atası ilə aralarında yaranmış bu gərginliyi də gələcəyin ziyalısı olaraq özü həll etməyə çalışacaq.Öncə evinə oğul olmaq lazımdır, daha sonra elinə.

İlin gənc müəllimi-Müraciət formu