Rusiyanın Nijni Novqorod şəhərində 5-ci sinif şagirdi özünü 45 saylı məktəbin yaxınlığındakı işıq dirəyinə bağlayaraq, müəllimlərdən konfet tələb edib. AzEdu.az xəbər verir ki, bu barədə Ni Mash teleqram kanalı məlumat yayıb.

20 dəqiqə ərzində uşağın nənəsi və müəllimlərin onunla danışıqlar aparmasına baxmayaraq, məktəbli inadından dönməyib. Nəticədə hadisə yerinə polis çağırılıb. Hüquq-mühafizə orqanlarının əməkdaşlarını görən 5-ci sinif şagirdi özünə bağladığı zəncirləri açıb və nənəsi ilə evə yollanıb.

Sonradan uşaq konfet yemək istədiyinə görə bu addımı atdığını bildirib. Bu üsulu baxdığı filmlərdən öyrəndiyini də deyib.

5-ci sinif şagirdinin bu hərəkəti onun çox “parlaq” gələcəyindən xəbər verir.