Mayın 8-də ölkə üzrə 107 mərkəzdə Lütfi Zadə adına məntiq olimpiadasının rayon (şəhər) mərhələsi keçirilib.
Təhsil Nazirliyindən AzEdu.az-a bildirilib ki, müsabiqədə iştirak üçün V sinifdə təhsil alan 170 mindən çox şagird müraciət edib.
Müsabiqənin keçirilməsində məqsəd görkəmli alim Lütfi Zadənin irsini məktəblilər arasında təbliğ etmək, həmçinin şagirdlərin məntiqi biliklərinin inkişafına təkan vermək, yaradıcı istedad və fərqli düşünmə qabiliyyəti ilə fərqlənən şagirdləri aşkara çıxarmaq və onları həvəsləndirməkdən ibarətdir.
