https://www.zirve.edu.az/
15.01.2021 11:00
 Şəhid və qazilərin övladları  universitetə imtahansız qəbul ediləcək- Türkiyədən DƏSTƏK 

Türkiyə universiteti Vətən müharibəsində şəhid və qazi olan hərbiçilərin övladlarının təhsilinə dəstək göstərəcək.

 

Azedu.az-ın məlumatına görə,  Türkiyənin Sivas Cumhuriyet Universiteti ll Qarabağ müharibəsində şəhid və qazi olan insanların övladlarını imtahansız universitetə qəbul edəcək.

 

Bu gözəl təşəbbüslə TUİB  (Türkiyə və Azərbaycan iş adamları və  sanayicilər  ictimai birliyi) rəhbəri  Hüseyin Büyükfırat Sivas Universitetinə müraciət edib.

 

Universitet rəhbərliyi qərarı müsbət qarşılayıb. Təhsilə dəstək olmaq məqsədiylə həmin tələbələr Türkiyədə yataqxana və ayrıca təqaüdlə də təmin olunacaqlar. Tələbələrin xərcləri TUİB tərəfindən ödəniləcək.

Qeyd edək ki, bu barədə TR 6 TV-nin  jurnalisti Şəhla Aslan məlumat verib.