Bu gün Şanlı Zəfərimizə gedən yolun başlanğıcı – Vətən uğrunda canından keçən igid oğullarımızın Anım Günüdür.
Bu gün münasibəti ilə rektorlarda öz "feysbuk" hesablarında paylaşım edib.
AzEdu.az rektorların paylaşımlarını təqdim edir:
Azərbaycan Dövlət İqtisad Universitetinin (UNEC) rektoru Ədalət Muradov:
"Bu gün - 27 sentyabr - Anım Günüdür! Vətən uğrunda canından keçən Şəhidlərimizı dərin ehtiram və sonsuz minnətdarlıqla anır, hər birinin ruhu qarşısında baş əyirəm...
Allah bütün Şəhidlərə rəhmət eləsin..."
Sumqayıt Dövlət Universitetinin rektoru Nurəli Yusifbəyli:
"27 Sentyabr – Anım Günü
Bu gün Vətən uğrunda həyatını fəda edən şəhidlərimizin xatirəsini dərin hüzn və sonsuz ehtiramla yad edirik.
Bu tarix xalqımız üçün həm ağır itkilərin hüznünü, həm də Qarabağ zəfərinin qürurunu özündə yaşadır. Şəhidlərimizin fədakarlığı bizə yalnız tarixi bir qələbə deyil, həm də gələcək qarşısında böyük bir məsuliyyət əmanət edib.
Bu məsuliyyət Vətənə sədaqətdə, milli dəyərlərimizə bağlılıqda və zəfərin mənasını gələcək nəsillərə doğru şəkildə çatdırmaqda ifadə olunur.
Şəhidlərimizi unutmayacağıq, onların müqəddəs əmanətini yaşadacağıq".
Mingəçevir Dövlət Universitetinin (MDU) rektoru Anar Eminov:
"27 Sentyabr – Anım Günündə Azərbaycanın ərazi bütövlüyü və suverenliyi uğrunda canından keçən bütün Şəhidlərimizi dərin ehtiramla yad edirik.
Əziz xatirələri daim qəlbimizdə yaşayacaq".
Qarabağ Universitetinin rektoru Şahin Bayramov:
"27 sentyabr Anım Günüdür!
Şəhidlərimizin əziz xatirəsini dərin hörmət və böyük ehtiramla anırıq!"
Naxçıvan Dövlət Universitetinin rektoru Elbrus İsayev:
"Vətən uğrunda canından keçən şəhidlərimizi dərin ehtiram və sonsuz minnətdarlıqla anırıq. Onların əziz xatirəsi qəlbimizdə daim yaşayacaq. Allah bütün şəhidlərimizə rəhmət eləsin".
Bakı Dövlət Universitetinin rektoru Elçin Babayev:
Şəhidlərimizi qürur, hörmət və kədərlə anırıq!
Qarabağ Azərbaycandır!
