https://www.zirve.edu.az/
10.04.2020 14:21
Milli Məclisin komitəsi "Evdə Qal, Evdə Yarat" təşəbbüsünə qoşuldu
Çap et

Milli Məclisin Gənclər və İdman Komitəsi Mədəniyyət Nazirliyinin və "Kreativ Azərbaycan" portalının elan etdiyi "Evdə Qal, Evdə Yarat" təşəbbüsünə qoşulur.

 

 Milli Məclisin Gənclər və İdman Komitəsi Mədəniyyət Nazirliyinin və "Kreativ Azərbaycan" portalının elan etdiyi "Evdə Qal, Evdə Yarat" təşəbbüsünə dəstək verərək yaradıcı bacarığı və xüsusi istedadı olan gəncləri bu aksiyaya qoşulmağa dəvət edir. Bunu Adil Aliyev AzEdu.az açıqlamasında bildirib.


Artıq 2 mindən çox insan sosial şəbəkələr vasitəsilə "Evdə Qal, Evdə Yarat" təşəbbüsünə qoşulub.
Təşəbbüs çərçivəsində insanlar evdə olduğu müddətdə hazırladıqları kreativ məhsulu (rəsm əsəri, video, şeir, musiqi və s.) sosial şəbəkədə #EvdəQalEvdəYarat həştəqini yazmaqla, "Kreativ Azərbaycan" portalının "Facebook" səhifəsini posta işarələməklə paylaşır. Həmçinin, yaradıcılığı ilə virusla mübarizəni pozitivə fokuslanaraq gücləndirir.

 


Qeyd edək ki, təşəbbüs çərçivəsində ən çox bəyənilən paylaşımların dəyərli hədiyyələr qazanmaq üçün şansı olacaq.
Evdə qalıb evdə yaradaraq virusa birlikdə qalib gələk!