ABŞ koronavirusla mübarizə aparmaq məqsədilə Çinə mütəxəssislər göndərir.

AzEdu.az xəbər verir ki, bu barədə ABŞ Prezidentinin iqtisadi məsələlər üzrə müşaviri Larri Kadlou məlumat verib.

“Biz Xəstəliklərə Nəzarət və Profilaktikası Mərkəzinin ən yaxşı mütəxəssislərini Çinə göndəririk”, - deyə L.Kadlou açıqlamasında bildirib.

L.Kadlou əlavə edib ki, Çin tərəfi özü onlara kömək məqsədilə müraciət edib. 

Xatırladaq ki, yeni tip koronavirus Çinin mərkəzində yerləşən Uxan şəhərində dekabrın sonunda təsbit olunub. Çin rəsmilərinin məlumatına əsasən, koronavirus artıq 170 nəfərin həyatına son qoyub.  (oxu.az)