https://www.zirve.edu.az/
09.01.2020 10:26
Mingəçevir Dövlət Universitetinin rektoru imtahan prosesini izləyib
Çap et

Xəbər verdiyimiz kimi, cari ilin  yanvarın 7-də Mingəçevir Dövlət Universitetində 2019/2020-ci tədris ilinin payız imtahan sessiyasına start verilib.

AzEdu.az xəbər verir ki, universitetin rektoru Şahin Bayramov imtahan prosesini izləyib, tələbələrlə söhbət edib, onları maraqlandıran sualları cavablandırıb.

Tamamən yazılı formada təşkil edilən imtahanların səffaf və obyektiv keçirilməsi üçün bütün zəruri şəraitin yaradıldığını deyən Ş.Bayramov yarana biləcək istənilən məsələ ilə bağlı tələbələrin qaynar xətt, elektron poçt və imtahan keçirilən tədris binasındakı rəy qutuları vasitəsilə daxil olan müraciətlərinə operativ qaydada baxıldığını bildirib.

Qeyd edək ki, imtahan prosesində valideynlərin, ictimaiyyət nümayəndələrinin və Mingəçevir Dövlət Universitetinin İctimai Nəzarət Şurasının üzvlərinin iştirakı təmin olunub. Sessiya dövründə tələbələr və valideynlər üçün “Açıq qapı” günləri keçirilir.