2018-05-04 13:40:00
Valideyn və müəllimlər uşaqları necə məhv edir? – Psixoloqdan həyəcan təbili
“Valideynlər özləri övladlarının şəxsiyyətini alçaldır, sonra da deyirlər ki, uşağımın tərbiyəsini pozdular”.
Bu sözləri döyülən şagirdlə bağlı AzEdu.az-a danışan psixoloq Fərqanə Mehmanqızı deyib. Onun sözlərinə görə, insan şəxsiyyəti 8 yaşınadək formalaşır:
“Bu yaşdakı uşaqlarla müəllim və valideynlərin münasibəti onların xarekterini formalaşdırır. Düzgün olmayan davranışlar uşaqlarda travmalara və şəxsiyyət pozulmalarına səbəb ola bilər. Bu da təbii olaraq, sağlam cəmiyyətin formalaşmasında problemlər yaradacaq. Bir neçə ildən sonra deyəcəyik ki, cəmiyyət psixoloji problemlərlə doludur. Bir insanı ətrafı ilə olan münasibətləri qoruyur. Ətraf da özündən başqa hər kəsdir. Ətrafın bizə olan münasibəti özümüzə olan qiyməti müəyyən edir. Şəxsiyyətin formalaşmasında əsas faktoru isə ana oynayır. Ana güvən, güc, cəsarət deməkdir. O, övladına ya psixoloji, ya fiziki təcavüz edirsə, bu, artıq şəxsiyyətin alçaldılmasıdır. Qız və ya oğlan olmasından asılı olmayaraq, şəxsiyyəti alçalan şəxs özünə hörmət etmir. Hər halda, uşağı döyəndə “mənim balam” deyib döymürlər. Uşaq dərk etməsə də, onun beynində bəzi ifadələrin təməli qoyulur: “mən pisəm”, “sən busan”. Təmələ diqqət yetirin: “sən busan”. El arasında bir söz var ki, mərdi qova-qova namərd edərlər. Bir insana nə qədər sən pissən desən, o adam bunu qəbul edəcək. Həmin fərd 17 yaşından özünü cəmiyyətdə daha aqresiv göstərməyə başlayacaq. Bu yaşa çatanda da valideyn deyir ki, əvvəl gül kimi uşaq olub. Xeyr, əvvəl gül kimi olmayıb. Sadəcə yaşının passiv dövrünü yaşayırdı”.
Psixoloq qeyd edib ki, müəllimin şagirdi döyməsi də hər şeydən əvvəl şəxsiyyətin təhqir olunmasıdır:
“Uşaq müəllim tərəfindən də təhqir olunursa, vay o şagirdin halına. “Mən bilirəm, sən bunu bacaracaqsan”, “bu məsələni birlikdə həll edək”, “mən bilirəm ki, sən ağıllı qızsan” demək lazımdır ki, şagirdin beyninə təlqin olunsun. Onun güvəndiyi insan ona güvənirsə, uşaqda da özgüvən formalaşır. Beləcə cəmiyyətə faydalı insan yetişir. Bu gün deyirik ki, intiharlar çoxalıb. İntiharın səbəbləri elə bunlardır. Əgər mən özümə nifrət edirəmsə, başqası mənə necə hörmət edə bilər? Başqasının yanında necə hörmət qazana bilərəm?! İnsanın şəxsiyyətində də tək qida sevgidir. Bütün bunlar mənəvi aclığa gətirib çıxarır ki, bunun da sonu intihardır”.
Qeyd edək ki, Bakının mərkəzində yerləşən 189-190 saylı orta məktəbdə sinif rəhbəri I sinif şagirdini döyüb. Müəllimlərin Etik Davranış Qaydaları”nın tələblərinə uyğun olmayan davranışa yol verdiyinə görə, 189-190 nömrəli məktəbin ibtidai sinif müəllimi Səyyarə Əliyeva ilə bağlanmış əmək müqaviləsi 2 may 2018-ci il tarixdən ləğv edilib. Müəllimlə yanaşı, ananın özü qızını məktəbdə müəllimənin yanında və dəhlizdə döydüyü də məlum olub. Bu an isə təhsil ocağının kameralarına yansıyıb.
Bu bölməyə aid digər xəbərlər
Bakıya işləməyə gələn 18 yaşlı oğlan itib
2024-04-22 11:48:00
13 yaşlı uşaq ehtiyatsızlıqdan Ceyranbatan su kanalına düşüb - YENİLƏNİB
2024-04-20 18:12:38
FHN Ağdamda orta məktəbdə mülki müdafiə məşqi keçirib
2024-04-20 12:54:37
Məktəblər arasında indiyədək görünməyən uğur - 6 MEDAL
2024-04-20 09:46:51
Növbəti il yeni hazırlanmış 7 dərslik kütləvi istifadəyə veriləcək
2024-04-17 17:20:34
Gəncədə şagird xəsarət alıb
2024-04-16 13:41:25
Ömürlük məhkum edilmiş məktəb direktoru barədə qərar verildi
2024-04-15 17:13:21
4-cü sinif şagirdi vəfat etdi - Foto
2024-04-15 14:26:30
TƏBİB İmişlidə iki yeniyetmənin ölümü ilə bağlı açıqlama verib - YENİLƏNİB
2024-04-14 18:10:00
Tennis üzrə Azərbaycan birinciliyi başa çatıb
2024-04-13 16:31:36
kitabı
ÇOX OXUNANLAR
18 Aprel 2024, 10:04
DİM-dən 17 mart buraxılış imtahanının nəticələri ilə bağlı AÇIQLAMA
18 Aprel 2024, 12:35
Sertifikasiya imtahanının vaxtı AÇIQLANDI
20 Aprel 2024, 17:42
300 bal toplayan 9-cular - Onlar bu liseyin şagirdləridir
17 Aprel 2024, 10:21
Sertifikasiya:“Müəllimlərin hazırlığa getməsi qəbuledilməzdir”
19 Aprel 2024, 16:54
Qəbul imtahanında hansı yeniliklər olacaq? - Məleykə Abbaszadədən AÇIQLAMA
19 Aprel 2024, 16:09
Regionlar üzrə ən çox bal toplayanlar... Şəki-Zaqatala bölgəsinin ŞAGİRDLƏRİ
17 Aprel 2024, 12:14
Regionlar üzrə ən çox bal toplayanlar – Mərkəzi Aran bölgəsinin ŞAGİRDLƏRİ
18 Aprel 2024, 12:40
Sertifikasiyadan keçə bilməyənlər bu il imtahan verəcək
FACEBOOK