Naxçıvan Muxtar Respublikası Ali Məclisinin Sədri yanında Elmin İnkişafı Fondunun Nizamnaməsi təsdiq edilib.

AzEdu.az-ın məlumatına görə, bununla bağlı Naxçıvan Muxtar Respublikasının Ali Məclisinin Sədri Vasif Talıbov fərman  imzalayıb.

Fərmanla Naxçıvan Muxtar Respublikası Ali Məclisinin Sədri yanında Elmin İnkişafı Fondunun Nizamnaməsi təsdiq edilib.

Naxçıvan Muxtar Respublikası Nazirlər Kabinetinə Ali Məclisinin Sədri yanında Elmin İnkişafı Fondunun xərclər smetasını və ştat cədvəlini müəyyən  etmək və maddi-texniki təminatı ilə bağlı zəruri tədbirləri həyata keçirmək tapşırılıb.

Eyni zamanda, Naxçıvan Muxtar Respublikasının Ədliyyə Nazirliyinə  Naxçıvan Muxtar Respublikası Ali Məclisinin Sədri yanında Elmin İnkişafı Fondunun dövlət qeydiyyatına alınmasını təmin etmək tapşırılıb. (APA)