Türkiyənin Elazığ şəhərində fəaliyyət göstərən Liseyinin müəllim və əməkdaşları yay tətilində məktəbdə könüllü təmir və təmizlik işləri həyata keçiriblər.
AzEdu.az Türkiyə mediasına istinadən xəbər verir ki, məktəb rəhbərliyi, müəllimlər və yardımçı heyət yeni tədris ili öncəsi məktəbin əsas binasında təmizlik işləri aparıb, yataqxanada isə boya, rəngləmə və müxtəlif təmir işləri görüblər.
Aparılan işlərin əsas məqsədi xüsusilə ətraf kəndlərdən və digər bölgələrdən gələn şagirdlərin qaldığı yataqxanada daha rahat və gigiyenik şərait yaratmaq olub.
Məktəb direktor müavini Ramazan Boz bildirib ki, görülən işlər tamamilə könüllü şəkildə həyata keçirilib. Onun sözlərinə görə, məqsəd yalnız fiziki şəraiti yaxşılaşdırmaq deyil, həm də məktəbə sahib çıxmaq və şagirdlərə həmrəylik nümunəsi göstərməkdir.
Peşə fənləri müəllimi Yusuf Şahin isə qeyd edib ki, müəllimlər şagirdlərin daha yaxşı şəraitdə təhsil alması üçün yay tətilində də fəaliyyət göstərirlər.
Yataqxanada 15 ildir çalışan müəllim Filiz Ateşçelik bildirib ki, tətil dövründən istifadə edərək mövcud çatışmazlıqları aradan qaldırmaq üçün boya, rəngləmə və təmir işlərinə başlanılıb.
Məktəb kollektivi görülən işlərlə yeni tədris ilində şagirdlər üçün daha sağlam və rahat təhsil mühiti yaratmağı hədəfləyir.
