Astana Hub şirkəti Qazaxıstan Respublikasının Prezidenti yanında Qadınlar, Ailə və Demoqrafik Siyasət üzrə Milli Komissiya ilə birlikdə İT sahəsində işləmək istəyən 2000 qadına pulsuz təlim keçəcək.

AzEdu.az xəbər verir ki, bu barədə Kazinform agentliyi bildirib.

Qazaxıstanın Əmək və Əhalinin Sosial Müdafiəsi Nazirliyinin məlumatına görə, ölkədə əmək qabiliyyətli yaşda olan 967 min qadın var, onların da 34 faizi işləmir. Əmək qabiliyyətli yaşda olan qadınların 41,4 faizi ali təhsillidir.

Coursera-nın IFC və Avropa Komissiyası ilə birgə apardığı araşdırma nəticəsində məlum olub ki, bütün qadınların 45%-i, eləcə də dayə qadınların 60%-i onlayn təhsil mümkün olmasa, təhsillərini təxirə salmalı və ya dayandırmalı olacaqlarını bildiriblər. Buna görə də IT - Aiel proqramı işsiz qadınlar üçün böyük dəyər və əhəmiyyət kəsb edir.

Təlimin sonunda bütün məzunlar elektron təsdiq sertifikatı alacaqlar. Proqramda ən yaxşı 100 iştirakçı kursun sonunda buraxılış mərasiminə dəvət olunacaq.