Sentyabrın 19-da müəllimlərin sertifikatlaşdırılması prosesinin müsahibə mərhələsi yekunlaşıb.
Bu barədə AzEdu.az-a Elm və Təhsil Nazirliyindən məlumat verilib.
Bildirilib ki, gündəlik olaraq emalı başa çatmış müsahibə nəticələri ilə bağlı məlumat müəllimlərin şəxsi kabinetlərinə mərhələli şəkildə göndərilib.
Xatırladaq ki, müsahibə zamanı müəllimlər müvafiq komissiya tərəfindən proqram üzrə mövzunu təqdimetmə, təhsilalanları qiymətləndirmə, özünü təqdimetmə, pedaqoji prosesi təşkiletmə və ünsiyyət bacarığı meyarları üzrə qiymətləndirilib.
