https://modern.az/ http://www.position.az/
2022-07-13 13:11:00
Dövlət hesabına xaricdə oxumaq istəyənlərin nəzərinə - Sənəd qəbulu davam edir

“Gənclərin xarici ölkələrin nüfuzlu ali təhsil müəssisələrində təhsil almalarına dair 2022-2026-cı illər üçün Dövlət Proqramı” çərçivəsində xaricdə bakalavriat və magistratura təhsil səviyyələri üzrə nüfuzlu universitetlərdə təhsil almaq istəyən və ya hazırda təhsil alan Azərbaycan Respublikası vətəndaşları üçün açıq elan olunmuş sənəd qəbulu prosesi davam edir.

 

Bu barədə  AzEdu.az-a  Təhsil Nazirliyindən məlumat verilib. Bildirilib ki, sənədlər iyulun 15-dək qəbul edilir. Müvafiq elan mətni ilə Təhsil Nazirliyinin saytındakı keçiddən tanış olmaq olar.

 

Qeyd edək ki, Dövlət Proqramının hədəf göstəricisi 2022–2026-cı illərdə, hər il 400 nəfərədək olmaqla, ümumilikdə isə 2000 nəfərədək Azərbaycan Respublikası vətəndaşının xarici ölkələrin nüfuzlu ali təhsil müəssisələrində təhsilinin təmin edilməsidir. Dövlət Proqramı çərçivəsində xarici ali təhsil müəssisələrində təhsil yerlərinin ən azı 80 faizi ali təhsilin magistratura səviyyəsini əhatə edəcək.