http://azeduacademy.com/az/categories/41 http://www.position.az/ https://www.zirve.edu.az/
2022-01-23 13:30:00
Respublika Fənn Olimpadalarının rayon (şəhər) mərhələsi keçirilir  
22 yanvar 2022-ci il tarixində ölkəmizin bütün rayon və şəhərlərində Respublika Fənn Olimpadalarının rayon (şəhər) mərhələsi keçirilir.
 
 
Ümumilikdə 30.000-dən çox şagirdin qatıldığı Respublika Fənn Olimpiadaları 9,10,11-ci siniflər və xüsusi istedadı ilə seçilən 8-ci sinif şagirləri arasında 8 fənn (riyaziyyat, informatika, fizika, kimya, biologiya, Azərbaycan dili və ədəbiyyatı, tarix və coğrafiya) üzrədir.
 
 
Respublika Fənn Olimpiadalarının keçirilməsində məqsəd müvafiq istiqamətlər üzrə istedadı ilə seçilən şagirdlərin müəyyənləşdirilməsi, onların həvəsləndirilməsi və həmin istiqamətlərə olan marağın artırılmasından ibarətdir. İnformatika fənni üzrə RFO rayon (şəhər) mərhələsi onlayn təşkil olunur.
 
 
Rayon (şəhər) mərhələsinin nəticələri www.portal.edu.az, www.olimpiada.edu.az saytları və iştirakçıların təhsil aldıqları ümumtəhsil müəssisəsələri vasitəsilə 30 yanvar 2022-ci il tarixindən etibarən elan olunacaq.
 
 
Respublika Fənn Olimpiadaları “Kapital Bank” - ın baş sponsorluğu ilə həyata keçirilir.
 
 
RFO təşkilat komitəsi və münsiflər heyəti olimpiada iştirakçılarına uğurlar arzulayır!