Koronavirus epidemiyasının yayılmasının qarşısının alınması üçün orta və ali məktəblərdə tədris prosesinin aprelin 20-dək dayandırıldığı nəzərə alınaraq Azərbaycan Dövlət Neft və Sənaye Universitetində təhsilin davamlılığının təmin edilməsi məqsədilə bütün dərslər onlayn şəkildə tədris olunur.
Universitetdən AzEdu.az-a bildirilib ki, “Zoom call” proqramı ilə tədris olunan onlayn dərslərə bu günə qədər magistratura pilləsində ümumilikdə 608 nəfər (I kurs magistrantlar – 573 nəfər və TEMPUS proqramı üzrə - 35 nəfər) cəlb olunub.
Qeyd edək ki, onlayn dərslər mühazirə və məşğələ, laboratoriya dərsləri mövzulara uyğun olaraq tələbələrin suallarına cavab və diskussiya formatında aparılır.
