https://www.zirve.edu.az/
23.04.2018 17:52
Alimlərə beynəlxalq konqresdə sertifikat verildi

Türkiyənin İstanbul şəhərində “Təhsildə və sosial elmlərdə yeni üfüqlər (İCES – 2018)” mövzusunda keçirilən birinci beynəlxalq konqresdə Bakı Dövlət Universitetinin (BDU) Azərbaycan ədəbiyyatı tarixi kafedrasının dosenti Sevinc Qocayeva və Azərbaycan dilçiliyi kafedrasının dosenti Reyhan Həbiblinin məruzələri dinlənilib.

AzEDU.az xəbər verir ki, müxtəlif ölkələrdən təhsil və sosial elmlər üzrə mütəxəssislərin, tədqiqatçıların qatıldıqları konqresdə sosial elmlər sahəsindəki problemlər, onların həlli yolları, təhsildə inkişaf perspektivləri müzakirə olunub.

Tədbirdə azərbaycanlı alimlərə uğurlu çıxışlarına görə sertifikatlar təqdim edilib.