Türkiyənin Malatya şəhərində praktika keçən məktəbli bədbəxt hadisə nəticəsində həyatını itirib.
AzEdu.az-ın Türkiyə mediasından əldə etdiyi məlumata görə, 17 yaşlı şagird təcrübə keçdiyi tikinti sahəsində hündür mərtəbəyə qalxdıqdan sonra ehtiyatsızlıqdan yıxılıb.
Ağır xəsarətlər alan yeniyetmə dərhal xəstəxanaya çatdırılıb. Lakin həkimlərin müdaxiləsinə baxmayaraq, onun həyatını xilas etmək mümkün olmayıb.
İlkin məlumata əsasən, şagird tikinti sahəsində istifadə olunan aləti götürmək üçün yuxarı qalxıb. Faktla bağlı araşdırma aparılır.
