Türkiyənin Aydın vilayətinin Nazilli rayonunda yerləşən liseyin yataqxanasında yanğın baş verib.
AzEdu.az-ın Türkiyə mediasından əldə etdiyi məlumata görə, hadisə zamanı yataqxanada qalan 46 şagird təhlükəsizlik məqsədilə dərhal təxliyə olunub.
Əraziyə yanğınsöndürmə briqadaları cəlb edilib. Yanğın qısa müddətdə nəzarət altına alınıb.
İlkin məlumata əsasən, hadisə nəticəsində xəsarət alan yoxdur. Yanğının başvermə səbəbləri araşdırılır.
