8 Mart – Beynəlxalq Qadınlar Günü münasibətilə Azərbaycanın bir sıra ali təhsil müəssisələrində qadın əməkdaşlara pul mükafatı təqdim edilib.
AzEdu.az "Azərbaycan Universitetləri"-nə istinadən xəbər verir ki, Bakı Ali Neft Məktəbi əməkdaşlarına 300 manat, Azərbaycan Dövlət İqtisad Universiteti və Azərbaycan Texniki Universiteti əməkdaşlarına 150 manat, Mingəçevir Dövlət Universiteti qadın işçilərinə də 150 manat mükafat verilib.
Həmçinin, Naxçıvan Dövlət Universiteti, Bakı Slavyan Universiteti və Azərbaycan Dövlət Pedaqoji Universitetinin Şəki filialı qadın əməkdaşları üçün 100 manat məbləğində pul mükafatı təqdim olunub.
Qərarlar universitet rektorlarının imzaladığı əmrlərə əsasən həyata keçirilib.
