https://www.zirve.edu.az/
08.01.2019 12:16
Məktəbə bıçaqlı hücum – 20 şagird yaralandı

Naməlum şəxs Pekindəki orta məktəblərdən birinə hücum edib. 

AzEdu.az “RİA Novosti” agentliyinə istinadən xəbər verir ki, bununla bağlı məktəbin yerləşdiyi Siçen rayon polis idarəsi məlumat yayıb. 

Yerli vaxtla 11:17-də baş verən hücum zamanı 20 məktəbli bıçaqlanıb. Onlar xəstəxanaya yerləşdirilib. Yaralılardan üçünün vəziyyəti ağırdır.  

Polis hadisədə şübhəli bilinən şəxsi yaxalayıb. Onun şəxsiyyəti və hadisənin motivləri açıqlanmır.