Yeni kəşflərə imza atan NASA-nın “James Webb” kosmik teleskopu yad planetin ulduzun içərisində “ölməsini” qeydə alıb.
AzEdu.az “Reuters” agentliyinə istinadla xəbər verir ki, 2020-ci ilin may ayında astronomlar ilk dəfə bir planetin öz ulduzu tərəfindən udulması prosesini müşahidə ediblər. Həmin məlumatlara əsaslanaraq, ulduzun ömrünün sonlarında şişərək qırmızı nəhəngə çevrilən planeti absorbsiya etməsi sensasiya kimi qəbul edilirdi. Amma “James Webb” kosmik teleskopunun yeni müşahidələri - bir növ postmortem müayinə planetin məhvinin təfərrüatlarını daha dəqiq göstərir. Tədqiqatçıların fikrincə, ulduzun planetə yaxınlaşması əvəzinə, planetin ulduza doğru hərəkəti fəlakətli nəticələrə səbəb olub. Belə ki, zamanla bu yad planetin orbitini aşınıb və sonra onun ölümü ilə nəticələnib.
“James Webb” tərəfindən sənədləşdirilən nəticələrin sübut etdiyi kimi, planetin sonu olduqca dramatik olub. 2021-ci ildə buraxılan və 2022-ci ildə fəaliyyətə başlayan teleskop hadisədən sonra ulduzun ətrafında halqa əmələ gətirən isti qazın və soyuq toz buludunun genişlənməsi prosesini müşahidə edib.
ABŞ Milli Elm Fondu “NOIRLab” laboratoriyasının astronomu Rayn Lau “Astrophysical Journal” nəşrində
dərc olunan tədqiqatı şərh edərək deyib: “Biz bilirik ki, planet məhvə doğru getdiyi zaman qovulan ulduzdan kifayət qədər miqdarda material əldə olunur. Bundan sonrakı sübut ev sahibi ulduzdan atılan bu tozlu qalıq materialıdır”.
