XƏBƏRLƏR

18.01.2020 17:39
2050-ci ilədək 1 milyon insan Marsa göndərilə bilər

“Hazırda “SpaceX” şirkəti “Starship” adlı yeni nəsil kosmik gəmi üzərində işləyir”.

Bunu şirkətin baş direktoru İlon Mask “Twitter” hesabında yazıb.

Oxucuların suallarını cavablandıran İ.Mask “SpaceX”in 2050-ci ilədək 1 milyon insanı Marsa göndərə biləcəyini söyləyib.

Onun sözlərinə görə, “SpaceX” şirkəti hər il 100 “Starship” kosmik gəmisi hazırlamağı hədəfləyib. Məqsəd Mars ilə Yer kürəsinin orbitlərinin 26 aydan bir olan əlverişli düzülüşündə 100 min insanı qırmızı planetə göndərməkdir. (report)