Bu il ali məktəblərə qəbul müsabiqəsində bəzi ixtisasların dövlət sifarişi üzrə keçid balları aşağı düşəcək. 

Bu sözləri AzEdu.az-a açıqlaması zamanı təhsil üzrə mütəxəssis Elçin Əfəndi deyib. Onun sözlərinə görə, I-IV qruplarda yer alan bəzi ixtisasların keçid ballarında azalma müşahidə olunacaq:

“I ixtisas qrupu üzrə:

İnformasiya təhlükəsizliyi;

Kompüter mühəndisliyi;

Kompüter elmləri;

Proseslərin avtomatlaşdırılması mühəndisliyi;

İnformasiya texnologiyaları;

Sistem mühəndisliyi;

Kimya mühəndisliyi;

Neft-qaz mühəndisliyi;

İnşaat mühəndisliyi;

Riyaziyyat;

Riyaziyyat müəllimliyi.

II ixtisas qrupu üzrə:

Maliyyə;

Mühasibat uçotu;

Dünya iqtisadiyyatı;

Beynəlxalq münasibətlər;

Menecment.

III ixtisas qrupu üzrə:

Hüquqşünaslıq;

Politologiya;

Tarix;

Sosial iş;

Dövlət və ictimai münasibətlər;

Xarici dil müəllimliyi;

Azərbaycan dili və ədəbiyyatı müəllimliyi;

Tərcümə.

IV ixtisas qrupu üzrə:

Müalicə işi;

Stomotologiya;

Əczaçılıq;

Tibbi profilaktika;

Biologiya müəllimliyi;

Kimya müəllimliyi”.

Elçin Əfəndi bildirib ki, V ixtisas qrupunda ümumi bal şkalası 300-ə qaldırıldığı üçün bütün ixtisaslar üzrə, xüsusilə də aşağıda qeyd olunanlar üzrə ballar qalxacaq:

“Dizayn;

Bədən tərbiyəsi və idman;

Məşqçi;

Fiziki tərbiyə müəllimliyi və gənclərin çağırışaqədər hazırlığı;

Təsviri incəsənət müəllimliyi.

I-IV ixtisas qrupları üzrə ballar bəzi ixtisaslarda, 20-25, bəzilərində isə 30 bala qədər düşə bilər.

V ixtisas qrupu üzrə ballar ötən illərlə müqayisədə ixtisaslara görə 25-40 bal qalxacaq” .