https://www.zirve.edu.az/
29.03.2018 09:48
Bakı məktəblisi beynəlxalq turnirdə birinci yerə layiq görülüb

Paytaxt məktəblisi Gürcüstanda cüdo idman növü üzrə keçirilən beynəlxalq turnirdə birinci yerə layiq görülüb.

Bakı Şəhəri üzrə Təhsil İdarəsindən AzEDU-ya bildiriblər ki, 238 nömrəli tam orta məktəbin altıncı sinif şagirdi Məhəmməd Məmişov 30 kiloqram çəki dərəcəsində bütün rəqibləri üzərində qələbə qazanıb.

O, medal, kubok və sertifikatla təltif olunub.

M.Məmişov 2010-cu ildən cüdo idman növü ilə məşğuldur. Bu müddətdə gənc idmançı həm ölkə, həm də beynəlxalq səviyyəli yarışlarda yüksək nailiyyətlər əldə edib.