![](https://azedu.az/uploads/news/2018/03/15211136242597641200_1000x669.jpg)
“Ədəbiyyat biliciləri” müsabiqəsinin şəhər mərhələsinin qalibləri bəlli olub.
AzEdu.az Bakı Şəhəri üzrə Təhsil İdarəsinə istinadən xəbər verir ki, 299 nömrəli tam ota məktəbin XI sinif şagirdi Sevinc Əlizadə, 284 nömrəli tam orta məktəbin XI sinif şagirdi Sürəyya Səttarlı, 297 nömrəli tam orta məktəbin IX sinif şagirdi Aynur Bağırzadə, 198 nömrəli tam orta məktəbin IX sinif şagirdi Nərgiz Babayeva, 26 nömrəli tam orta məktəbin VIII sinif şagirdi Rəşad Hüseynov, 281 nömrəli tam orta məktəbin VIII sinif şagirdi Məryəm Əlizadə, Məktəb Lisey Kompleksinin VIII sinif şagirdi Rəna Şabanzadə və “Gənc istedadlar” liseyinin VIII sinif şagirdi Cabir Məmmədov “Ədəbiyyat biliciləri” müsabiqəsinin ölkə mərhələsində iştirak hüququ qazanıblar.
Müsabiqənin şəhər mərhələsinə qatılan şagirdlərə, sinif fərqi nəzərə alınmaqla, Azərbaycan və dünya ədəbiyyatı haqqında biliklərinin aşkara çıxarılması, oxuduqları bədii əsərlərin ictimai mahiyyəti, insanların mənəvi tərbiyəsində rolu və ədəbiyyat tarixində yeri ilə bağlı məsələlərin hansı səviyyədə dərk olunmasını əhatə edən iki variant üzrə 12 açıq sual verilib. Bundan əlavə, müsabiqə iştirakçıları verilən mövzu üzrə esse yazıblar.
Müsabiqənin ölkə mərhələsi martın 17-də akademik Zərifə Əliyeva adına liseydə (Bakı şəhəri, Yasamal rayonu, Hüseyn Cavid prospekti, 253-cü məhəllə) keçiriləcək. Ölkə mərhələsində şagirdlər onlara təklif olunan mövzulardan birini seçərək inşa yazacaq və 10 sualı yazılı cavablandıracaqlar. Şagirdlərin yazı işləri Təhsil Nazirliyinin əmri ilə yaradılmış münsiflər heyəti tərəfindən yoxlanılaraq qiymətləndiriləcək.
Müsabiqənin qaliblərinə diplom və qiymətli hədiyyələr təqdim olunacaq.
Qeyd edək ki, “Ədəbiyyat biliciləri” müsabiqəsinin keçirilməsinin məqsədi şagirdlərin Azərbaycan və dünya ədəbiyyatının görkəmli nümayəndələrinin yaradıcılıqları haqqında məlumatlılıq səviyyəsini, ədəbiyyat nümunələrinin məktəblilər tərəfindən mütaliə olunması vəziyyətini öyrənmək, gənc nəsildə mütaliəyə həvəsi gücləndirmək və bu sahədə xüsusi fəallığı ilə fərqlənən şagirdləri aşkara çıxarıb qiymətləndirməkdir. Təhsil nazirinin əmrinə əsasən təşkil edilən müsabiqə məktəb, rayon (şəhər), ölkə üzrə olmaqla, üç mərhələdə VIII-XI sinif şagirdləri arasında keçirilir.
kitabı
![İmtahanda 600-dən yüksək bal toplayan tələbələr bu universiteti seçiblər İmtahanda 600-dən yüksək bal toplayan tələbələr bu universiteti seçiblər](https://azedu.az/uploads/news/2024/09/azedu.az_azedu.az_63650df7c17ac63650df7c17af16675670950e26627da6ea2e4a5eb2e85f11bbcf25_362_445.jpg)
![Şəki-Zaqatala bölgəsinin yüksək bal toplayanları - SİYAHI + FOTO Şəki-Zaqatala bölgəsinin yüksək bal toplayanları - SİYAHI + FOTO](https://azedu.az/uploads/news/2024/09/azedu.az_1709468912_2ad846ea-950d-31ca-a7a8-d60a336dbf27_850_899.jpeg)
![Müsahibə mərhələsi: Sertifikasiya və MİQ arasında fərq nədir? Müsahibə mərhələsi: Sertifikasiya və MİQ arasında fərq nədir?](https://azedu.az/uploads/news/2024/08/azedu.az_1698041596_azedu.az_12_955_353.jpg)
![MDU-da “Tyutor xidməti - 2024” təlimləri çərçivəsində seminarlar keçirilib MDU-da “Tyutor xidməti - 2024” təlimləri çərçivəsində seminarlar keçirilib](https://azedu.az/uploads/news/2024/08/azedu.az_17250022613984028789_1200x630_842.jpg)
![Rekord sayda körpə doğulub Rekord sayda körpə doğulub](https://azedu.az/uploads/news/2024/08/azedu.az_IMG_9348_191.png)
![Şəkidəki bu məktəbin fəaliyyəti DƏYİŞDİ Şəkidəki bu məktəbin fəaliyyəti DƏYİŞDİ](https://azedu.az/uploads/news/2024/08/azedu.az_118523855_3244799365615912_1637893163469662027_n_32.jpg)
![Kolleclərin boş qalan yerlərinə qəbulun NƏTİCƏLƏRİ Kolleclərin boş qalan yerlərinə qəbulun NƏTİCƏLƏRİ](https://azedu.az/uploads/news/2024/09/azedu.az_azedu.az_3026a214-101c-3101-8224-2f8ee7c3845d_850_20_768.jpg)
![Füzulinin ilk məzunları – “Təsəvvür edə bilməzdim ki, burada oxuyaram” Füzulinin ilk məzunları – “Təsəvvür edə bilməzdim ki, burada oxuyaram”](https://azedu.az/uploads/news/2024/08/azedu.az_WhatsApp_Image_2024-08-29_at_13.40.35_826.jpeg)