Mayın 27-də saat 16:00-da “Gündəm təhsildir” onlayn müzakirə proqramının növbəti buraxılışı yayımlanacaq.
Bu barədə AzEdu.az-a Bakı Şəhəri üzrə Təhsil İdarəsindən məlumat verilib. Bildirilib ki, proqramın qonağı “eTwinning Plus” layihəsi çərçivəsində “Avropa mükafatı”na layiq görülmüş Bakı şəhəri 26 nömrəli tam orta məktəbin ingilis dili müəllimi Günel Məmmədovadır.
Qeyd edək ki, onlayn müzakirə proqramı Bakı Şəhəri üzrə Təhsil İdarəsinin rəsmi feysbuk səhifəsi üzərindən canlı yayımlanacaq.
