Paytaxtda fəaliyyət göstərən 9 nömrəli tam orta məktəbin direktorunun şagirdlərə şiddət göstərməsi ilə bağlı təhqiqat aparılır.
AzEdu.az xəbər verir ki, bu barədə Azərbaycan Respublikası Daxili İşlər Nazirliyinin İctimaiyyətlə əlaqələr şöbəsinin rəhbəri Elşad Hacıyev məlumat verib.
Məlumatda məsələ ilə bağlı araşdırma aparıldığı və təhqiqat qrupunun hazırda məktəbdə olduğu bildirilib:
“Bakı şəhəri 9 nömrəli tam orta məktəbin direktorunun şagirdlərlə uyğun olmayan davranışının əks olunduğu videogörüntülərdən məlumatlıyıq. Ərazi üzrə - Nəsimi RPİ-nin 19-cü Polis Şöbəsində təhqiqat araşdırmaları aparılır. Hazırda təhqiqat qrupu məktəbdədir. Araşdırmanın nəticəsindən asılı olaraq əmələ hüquqi qiymət veriləcək”.
