“Bu il müəllimlərin işə qəbulu müsaqbiqəsi üçün 60 minə yaxın namizəd müraciət edib. Nəzərə alsaq ki, Azərbaycan təhsil sistemində hazırda 150 min müəllim fəaliyyət göstərir, bu olduqca böyük rəqəmdir”.
AzEdu.az xəbər verir ki, bunu Təhsil naziri Emin Əmrullayev AzTV-də yayımlanan “Hədəf” verilişində deyib.
O, müsabiqədə vakant yerlər və rəqabətliliyin yüksək olmasından daqnışıb:
“Eyni zamanda Təhsil Nazirliyi üçün bu yaxşı xəbərdir, müəllim peşəsinin nə qədər rəqabətli olduğunu görürük. Təxmini 8-9 min vakant yer üçün 60 min müəllim namizəd var. Təxminən 7-8 il əvvəl eyni sayda vakant yerə 18 min namizəd arasından seçim edirdik, indi bu rəqəm daha böyükdür. Müəllimlik kifayət qədər rəqabətli bir peşə sahəsinə çevrilib, təbii ki, rəqabət olan yerdə inkişaf olur. Eyni zamanda bu həmin müəllimlərin işə qəbul imtahanlarına olan inamı göstərir. Çünki 60 min nəfər imtahanlarda iştirak edirsə, bu imtahanların şəffaf və ədalətli keçirilməsi olduqca vacibdir. Ola bilir ki, bəzi namizədlər yüksək bal toplayır və ancaq Bakı şəhərində işləmək istəyirlər,bu zaman Bakı şəhərində rəqabət daha yüksəkdir. Amma bizim istəyimiz ondan ibarətdir ki, Azərbaycanın hər bir məktəbində yüksək keyfiyyətli müəllimlərin olmasını təmin edək”.
Nazir, imtahanların təşkilində bu il çox da dəyişiklik edilmədiyini bildirib:
“Bu imtahanların məzmununu, seçim kriteriyalarını daha çox gələcəyin, məktəb mühitinin reallıqlarına , şagirdlərə yönəlik istiqamətləndirməyə çalışırıq. Bu koronavirus pandemiyasını nəzərə alaraq yeniliklərə çox da meyil olunmadı, çox dəyişiklik etmədik. Keçən il olduğu kimi bu ildə imtahanlar Bakı şəhəri ilə yanaşı Azərbaycanın müxtəlif bölgələrində də təşkil olunacaq. Düşünürəm ki, ildən-ilə bizim imtahanlar daha da təkmilləşir, sualların məzmunu, əhatəliliyi artır”.
kitabı