Dövlət İmtahan Mərkəzinin mətbuat xidmətindən AzEDU-ya verilən məlumata görə, 9-cu siniflərin buraxılış imtahanlarının birinci mərhələsi saat 11-də başlayıb.
İmtahan 2 saat müddətində davam edəcək. Yazı işi yazanlar üçün 30 dəqiqə əlavə vaxt verilir.
Qurumun mətbuat katibi Xanlar Xanlarzadənin sözlərinə görə, hazırda Dövlər İmtahan Mərkəzində Operativ Qərargah fəaliyyət göstərir:
"İmtahan keçirilən bütün binalarla əlaqə saxlanılır, prosesinin gedişi nəzarətdədir. İmtahan başa çatandan sonra daha dəqiq məlumatlar veriləcək".
Şagirdlərin imtahandan kənarlaşdırılması ilə bağlı sualımıza cavab olaraq mətbuat katibi bildirib ki, bu hallar protokollar oxunandan sonra bəlli olur. İmtahan protokolları sabahdan etibarən elan olunacaq.
Əsmər Qabil
