Magistraturaya qəbul olan şəxslər iyulun 6-dan 15-dək sənədlərini qəbul olduqları ali təhsil müəssisələrinə təqdim etməlidirlər.

AzEdu.az xəbər verir ki, ölkəmizdə tətbiq olunan sərt karantin rejimi ilə əlaqədar sənəd qəbulu iyulun 6-dan başlayacaq.

Qeyd edək ki, müsabiqənin nəticələrinə əsasən, ixtisaslaşma seçimində iştirak edən 11 380 bakalavrdan 8 324 nəfəri ali təhsil müəssisələrinin magistraturalarına qəbul olunub. Qəbul olunanlardan 3 069 nəfəri dövlət sifarişi, 5 255 nəfəri isə ödənişli əsaslarla təhsil alacaqlar. Onlardan 5 229 nəfəri ali təhsil müəssisələrinin cari, 3 095 nəfəri isə əvvəlki illərin məzunudur.