https://www.zirve.edu.az/
07.02.2020 09:00
Tələbələrin köçürülməsi bu gün başa çatır

Tələbələrin köçürülməsi üçün elektron sənəd qəbulu bu gün başa çatır.

 Bu barədə  AzEdu.az-a Təhsil Nazirliyindən məlumat verilib.

 Bildirilib ki,  tələbələrin köçürülməsi prosesinə fevralın 1-dən start verilib.

 Tələbələrin ölkə daxilində və xaricdə yerləşən ali təhsil müəssisələrindən köçürülməsi, yaxud bir ixtisasdan digərinə dəyişdirilməsi, eləcə də ölkəmizdə yerləşən orta ixtisas təhsili müəssisələri tələbələrinin, magistratura səviyyəsində təhsilalanların köçürülməsi transfer.edu.az portalı vasitəsi ilə  həyata keçirilir

 Qeyd edək ki, 2016-cı ildən fəaliyyətə başlayan portal vasitəsilə 2019-cu ilədək ümumilikdə 5959 tələbənin köçürülməsi həyata keçirilib. 2016-cı ildə köçürülənlərin sayı 83, 2017-ci ildə 1333, 2018-ci ildə 1897, 2019-cu ildə isə 2646 nəfər təşkil edib.