İlk dəfə Çin Xalq Respublikasında aşkarlanan və sürətlə yayılan koronavirusa qarşı qabaqlayıcı tədbir olaraq İstanbulun 100 məktəbi nano gümüş texnologiyası ilə dezinfeksiya edilib.
AzEdu.az xəbər verir ki, bu texnologiya vasitəsilə virusları 3-6 ay ərzində təsirsiz hala gətirmək mümkündür.
Məktəblər mütəxəssislər tərəfindən bütünlükdə nano gümüş ionlar vasitəsilə təmizlənib.
Bundan əlavə, ölkənin təhsil müəssisələrində virusdan qorunma yolları, xəstəliyin ilkin əlamətləri və şübhəli halda hara müraciət edilməsi ilə bağlı hazırlanmış xüsusi broşürlər paylanılıb.
Türkiyəli mütəxəssislər isə koronavirus və bu kimi infeksion xəstəliklərdən qorunmağın təbii yolları barədə əhalini xəbərdar ediblər. Onların fikrincə xəstəlikdən qorunmaq üçün ən sadə üsul on çay qaşığı duzun həll olunduğu bir litr su ilə gündə 5-6 dəfə burun nahiyəsini dezinfeksiya etmək kifayətdir.
