İnformasiya-kommunikasiya texnologiyalarını kütləvi proseslərin idarə olunmasına tətbiq edən ilk dövlət qurumu Dövlət İmtahan Mərkəzi (DİM) olub.

AzEdu.az xəbər verir ki, bu barədə mərkəzdən TED.az-ın sorğusuna cavab olaraq bildirilib. 

 Qeyd olunub ki, DİM elektron hökumət quruculuğu sahəsində ən aktiv fəaliyyət göstərən qurumlardan biridir:

"Mərkəz öz işində informasiya texnologiyalarının imkanlarından geniş istifadə edir. Nəzərə almaq lazımdır ki, DİM-in keçirdiyi müxtəlif təyinatlı imtahanlarda hər il yarım milyondan çox insan iştirak edir. Məhz elektron xidmətlərin bu proseslərə tətbiqi işin öhdəsindən yüksək səviyyədə gəlməyə imkan verir".