Bakıda atasını öldürən Laçın Novruzov Ali Məhkəməyə müraciət edib.
AzEdu.az-ın məlumatına görə, L. Novruzov məhkəməyə ünvanladığı kassiya şikayətində cəzasının yüngülləşdirilməsini xahiş edib. Şikayət hakim Tahir Kazımovun icraatına verilib. Məhkəmə baxışı yaxın günlərdə təyin ediləcək.
Qeyd edək ki, qətl 2017-ci ilin yanvarın 4-də, gecə saat 23:00-da Binəqədi rayonunun Müşfiqabad qəsəbəsində baş verib. Laçın Novruzov yaşadıqları evdə 1965-ci il təvəllüdlü atası Mehman Məmmədovla mübahisə edib. Mübahisə Mehman Məmmədovun içki içməsindən qaynaqlanıb. Laçın atasına 20 bıçaq zərbəsi endirib. Mehman hadisə yerində vəfat edib.
