XƏBƏRLƏR

06.10.2019 10:09
Rusiya uçan avtomobillərin istehsalına başlayır

Rusiyada uçan avtomobillərin istehsalına başlanılacaq.
AzEdu.az Rusiya mediasına istinadən xəbər verir ki, Novosibirskdəki S.A.Çaplıqin adına Aviasiya Elmi-Tədqiqat İnstitutu Perspektiv Tədqiqatlar Fondu ilə birlikdə uçan avtomobillərin istehsalı layihəsini həyata keçirir.
Rusiya Perspektiv Tədqiqatlar Fondunun məlumatına görə, belə avtomobillər ətrafında 15 metrədək hündürlüyündə manelər, məsələn alçaq evlər və ya ağaclar olan 50 metr uzunluğunda zolaqdan göyə qalxa və enə biləcək. Həmin avtomobillərin uçuş məsafəsi 1000 kilometr, maksimum sürəti isə saatda 300 kilometrdən çox olacaq. Uçan avtomobillər 500 kiloqramadək yük daşıya bilər.
Layihə üzərində iş 5 il davam edəcək. Avtomobillərdən xilasetmə işlərində istifadə ediləcəyi gözlənilir. (modern.az)

İlin gənc müəllimi-Müraciət formu