Lənkəran Dövlət Universiteti (LDU) ilə Türkiyə Cümhuriyyətinin daha bir universiteti arasında akademik əməkdaşlıq üzrə Anlaşma Memorandumu imzalanıb.
LDU-nun mətbuat xidmətinin rəhbəri Esmira İsmayılovanın AzEdu.az-a verdiyi məluimata görə Amasya Universiteti ilə imzalanmış Anlaşma Memorandumu təhsil və tədqiqat sahəsində hər iki universitet arasında əməkdaşlıq əlaqələrinin inkişaf etdirilməsi məqsədini daşıyır və tədris, tədqiqat, tələbə, müəllim , təlim proqramları mübadiləsi,birgə elmi seminarların və tədbirlərin keçirilməsinə xidmət edir.
5 il müddətinə imzalanan memorandumu Lənkəran Dövlət Universiteti tərəfindən rektor vəzifəsini icra edən professor Natiq İbrahimov, Amasiya Universiteti tərəfindən rektor, professor Mətin Orbay imzalayıb.
Xatırladaq ki, Lənkəran Dövlət Universiteti Türkiyə Cümhuriyyətinin 20-dən çox universitet ilə əməkdaşlıq edir.
