Vyetnam hökuməti 2030-cu ilə qədər 3-5 yaş arası bütün uşaqlar üçün universal məktəbəqədər təhsil təmin etməyi hədəfləyir. Bu istiqamətdə atılan ilk addımlardan biri olaraq, 2025-ci ilin sentyabrından etibarən dövlət məktəbəqədər müəssisələrində təhsil haqqı ləğv edilib.
AzEdu.az xarici mənbələrdən aldığı məlumata əsasən xəbər verir ki, özəl məktəblərdə isə dövlət uşaqların təhsil haqqını dəstəkləyən proqramlar təqdim edir. Hökumət bildirir ki, bu addımlar ölkənin təhsil sistemində inklüzivliyi artırmaq və bütün uşaqlara bərabər təhsil imkanları yaratmaq məqsədini daşıyır.
Təhsil ekspertləri vurğulayırlar ki, bu təşəbbüs Vyetnamda məktəbəqədər təhsilin inkişafına və uşaqların sosial-emosional bacarıqlarının erkən yaşda formalaşmasına böyük töhfə verəcək.
