Dövlət qulluğuna qəbul üçün müsabiqə üzrə müsahibədə iştirak etmək üçün ərizə verən namizədlərin sayı açıqlanıb.
Dövlət İmtahan Mərkəzindən AzEdu.az-a verilən məlumata görə, sentyabrın 17-də elan etdiyi müsahibəyə 12 dövlət orqanı üzrə ümumilikdə 265 vakant vəzifə çıxarılıb. Oktyabrın 3-nə olan məlumata əsasən, müsahibədə iştirak üçün 1294 namizəd müraciət edib. Ən çox müraciət Qaçqınların və Məcburi Köçkünlərin İşləri üzrə Dövlət Komitəsi (15 yerə 352 nəfər), Dövlət Statistika Komitəsi (84 yerə 329 nəfər) və Maliyyə Nazirliyi (34 yerə 150 nəfər) üzrə qeydə alınıb.
