Tətil zamanı şagird davranış qaydalarının yekun versiyası təsdiq ediləcək.

AzEdu.az xəbər verir ki, bunu Elm və Təhsil Nazirliyinin Ümumi və məktəbəqədər təhsilin təşkili və idarə olunması şöbəsinin müdiri Elnur Əliyev 2022-2023-cü tədris ilinin yekunları, növbəti tədris ili üzrə gözləntilər və digər məsələlərlə bağlı maarifləndirici görüşdə deyib.

O qeyd edib ki, artıq sentyabrda bütün məktəblərdə bu qaydaların tətbiqinə başlanılacaq.

E.Əliyev xatırladıb ki, bu il 300 məktəbdə pilot layihə kimi şagird davranış qaydaları tətbiq olunub.

"Yay tətilində qaydaların yekun versiyası təsdiq olunacaq. Sentyabr ayından bütün məktəblərdə yeni qaydalar tədbiq olunacaq".