3 Dekabr Beynəlxalq Əlilliyi olan şəxslər Gününə həsr olunmuş “Biz Bir Ailəyik – Biz Qalibik” adlı tədbir keçirilib.
AzEdu.az xəbər verir ki, UNEC Tələbə Həmkarlar İttifaqı Komitəsinin könüllü dəstəyi ilə keçirilən tədbirdə 6 universitetin əlilliyi olan tələbələri və digər əlillik sahəsinə yaxın təşkilatların komandaları arasında intellektual yarışma keçirilib. Ümumilikdə 24 sual səslənən yarışmada UNEC komandası III yeri qazanıb.
Tədbirin II hissəsi eşitmə-danışma məhdudiyyətli uşaqların ifasında bədii hissə ilə davam edib.
Sonda qalib komandalara diplom, medal və kubok, könüllərə isə təşəkkürnamələr təqdim olunub.