https://www.zirve.edu.az/
29.09.2020 17:35
Elmi biliklərin əldə olunmasında Data Mining texnologiyalarının tətbiqi araşdırılır    

 


AMEA İnformasiya Texnologiyaları İnstitutunda “Elmi biliklərin əldə olunmasında Data Mining texnologiyalarının tətbiqi” mövzusunda onlayn elmi seminar keçirilib.

 

İnstitutdan AzEdu.az-a verilən məlumata görə, şöbənin əməkdaşı Şahanə Mansurova informasiya və sənaye inqilabları haqqında məlumat verib. Qeyd edib ki, bu inqilablar insanların həyatı üçün əhəmiyyətli olan dəyişikliklər dövrüdür və hər biri öz növbəsində texnoloji yeniliklərlə müşayiət olunur. Biliklərin əldə olunmasının təkamülü sivilizasiyanın keçdiyi həmin inqilabları doğuran səbəblər, onların yaratdığı təzahürlər və imkanlarla əlaqəlidir.

 

Ş.Mansurova “Big Data”nın analiz texnologiyaları və onun müxtəlif elm sahələrində tətbiqindən danışıb.

 

Sonda məruzəyə dair müzakirələr aparılıb, suallar cavablandırılıb.

 

Şöbə müdiri Təhmasib Fətəliyev bu istiqamətdə tədqiqatların davam etdirilməsi, beynəlxalq təcrübənin öyrənilməsi və məqalənin hazırlanmasını tövsiyə edib.