https://www.zirve.edu.az/
04.08.2020 15:16
Masallıda yeni uşaq bağçası-körpələr evi tikilir

Bu il Masallı rayonunda 7 məktəbəqədər uşaq-tərbiyə müəssisəsinin tikilməsi və əsaslı təmir olunması nəzərdə tutulub.

 

AzEdu.az xəbər verir ki, artıq bu istiqamətdə işlərə start verilib. Masallı şəhərinin Səməd Vurğun küçəsində 100 yerlik yeni uşaq bağçası-körpələr evinin tikintisinə başlanılıb.

 

İkimərtəbəli, müasir üslubda inşa edilən yeni məktəbəqədər tərbiyə müəssisəsində uşaqların təlim və tərbiyəsi üçün lazımi şərait yaradılacaq.

 

Yeni uşaq bağçası-körpələr evinin tikintisinin bu ilin sonunadək başa çatdırılması nəzərdə tutulub.